Лидерот на СДСМ ги повика граѓаните масовно да излезат и да гласаат на изборите за, како што рече, да се осигураат дека иднината на општините и државата е сигурна
Не дозволувајте да го оставиме нашиот дом на оние што се оддалечени од народот, на оние што ги гледаат само своите интереси, што ја запуштија државата и општините, а гледаме дека државата повторно сакаат да ја заробат – порача претседателот на СДСМ, Венко Филипче, од вечерашниот митинг во Чучер Сандево.
Ги повика граѓаните масовно да излезат и да гласаат на изборите за, како што рече, да се осигураат дека иднината на општините и државата е сигурна.
„Да ја вратиме државата во рацете на граѓаните, да ја исправиме и ослободиме од неправда и повторно да ја направиме наш дом. Не тврдиме дека сме безгрешни, ги слушаме вашите критики, го разбираме разочарувањето. Секој од нас знае дека сме грешеле, дека не секогаш сме ги исполниле очеувањата и тоа го признаваме“,
рече Филипче.
Порача дека демократијата и иднината се одново загрозени, а дека СДСМ има обврска да не дозволи режимската матрица да ја одведе државата во пропаст. Филипче додаде дека борбата на СДСМ е многу повеќе од политичка, туку борба за достоинство, правда и за враќање на државата во рацете на народот. Социјалдемократијата, како што рече, е гаранција и штит од оние кои сакаат да ја искористат државата за лични интереси.