Отстранувањето на системот ќе биде на глобално ниво и се очекува да заврши до декември, а ќе се избришаат и досега собраните податоци преку овој софтвер
Фејсбук денеска соопшти дека го укинува својот систем за препознавање лица, кој автоматски ги идентификува корисниците на фотографиите и видеата, наведувајќи ја зголемената загриженост за употребата на таквата технологија.
„Регулаторите сè уште се во процес на давање јасни правила со кои се регулира употребата на таа технологија“, напиша на блог Џером Песенти, потпретседател на Фејсбук задолжен за вештачка интелигенција.
„Поради оваа постојана неизвесност, веруваме дека е соодветно ограничувањето на употребата на препознавање на лица“, вели тој.
Компанијата, која минатата недела го смени своето име во „Мета платформи“, соопшти дека повеќе од една третина од дневните активни корисници на Фејсбук ја вклучиле поставката за препознавање лица, а промената сега ќе ги избрише собраните податоци преку овој софтвер.
Отстранувањето на системот ќе биде на глобално ниво и се очекува да заврши до декември.