Временските услови во моментот на летот не ги исполнувале минималните стандарди за летање поради маглата
ФБИ го истражува местото каде што се случи хеликоптерската несреќа во која загинаа НБА-ѕвездата Коби Брајант, неговата ќерка и уште седум лица, изјави официјален претставник на Бирото.
Тој за Си-ен-ен кажа дека екипата на ФБИ за собирање докази се наоѓа на местото на несреќата и дека им помага на локалните власти во истрагата.
Инаку, официјалната истрага за несреќата ја води Одборот за безбедност на националниот сообраќај и тој ги испитува причините за фаталната несреќа.
Како што се наведува, временските услови во моментот на летот не ги исполнувале минималните стандарди за летање поради маглата, изјави портпаролот на службата Џош Рубинштајн.
Тој додаде дека, кога има такви услови, на хеликоптерите не им се дозволува да летаат.
„Не летавме во неделата наутро поради времето“,
рекол Рубинштајн.