Овој компјутерски програмер и други заговарачи, вработени од водечка истражувачка организација при Министерството за одбрана на Русија, хакирале во системите на една рафинерија лоцирана во САД и инсталирале штетна програма дизајнирана да спречи функционирање на рафинериските системи за безбедност, а на тој начин да не се забележи тоа
Американското федерално истражно биро нуди награда од 10 милиони долари за информација која ќе доведе до апсење на рускиот хакер Евгениј Викторович Гладких.
„Од мај до септември 2017 година компјутерскиот програмер Гладких и други заговарачи, вработени од водечка истражувачка организација при Министерството за одбрана на Русија, хакирале во системите на една рафинерија лоцирана во САД и инсталирале штетна програма дизајнирана да спречи функционирање на рафинериските системи за безбедност, а на тој начин да не се забележи тоа“,
се вели во соопштението од Американскиот Стејт Департмент.
Evgeny Viktorovich Gladkikh, a #cyber operator employed by the Russian government, is charged for his role in a conspiracy to commit computer intrusions targeting energy facilities in the U.S. and overseas and to cause harm to those facilities. https://t.co/7UbkAAWPN0 pic.twitter.com/n5cSvJ4ciP
— FBI (@FBI) March 24, 2022
Се додава дека од февруари до јули 2018 конпсираторите разгледувале планови да нападнат слични рафинерии во САД во сопственост на американски компании, но безуспешно.
Гладких ги извршил овие штетни сајбер операции како вработен на Централниот научно-истражувачки институт за хемија и механика (ЦНИИКМ) при руското Министерство за одбрана.
Се наведува дека како лице кое дејствувало под директива на странска влада нанел штетни сајбер активности против критична инфраструктура на САД, поради што Гладких потпаѓа под американскиот закон за компјутерски измами и злоупотреби.