Фармацевтстката компанија „Фајзер“ која заедно со германскиот партнер „Бионтек“ ја развија вакцината против ковид, сега ќе имаат ново истражување во врска со ефикасноста на вакцината, односно како би се пренесувал коронавирусот доколку еден град од околу 150 илјади жители е целосно вакциниран против ковид
„Фајзер“ ќе ја проучува ефикасноста на својата вакцина против ковид-19 со вакцинирање на целото население над 12 години во град во јужен Бразил, соопшти компанијата.
Истражувањето ќе се спроведе во Толедо, кој има 143 000 жители, во западниот дел на државата Парана, во соработка со Бразилската национална програма за вакцинација, соопштија локалните здравствени власти, болницата во градот и федералниот универзитет.
„Фајзер“, кој ја разви вакцината со германскиот партнер „Бионтек“, соопшти дека целта е да се проучи пренесувањето на коронавирусот во „реално сценарио“ откако ќе се вакцинира населението.
„Иницијативата е прва и единствена од ваков вид што се презема во соработка со фармацевтска компанија во земја во развој“,
соопшти „Фајзер“.
Има мал отпор кон вакцината во Толедо, и 98 проценти од населението ја прими првата доза, претежно од „Фајзер/Бионтек“. Вакцините на „Астра Зенека“ и „Синовак“ против ковид-19 исто така се користеа, информира општинската секретарка за здравство Габриела Кучерски, додавајќи дека 56 проценти од населението е целосно вакцинирано.
Реџис Гуларт, истражувач во болницата Моинхос де Венто во Порто Алегре, кој учествува во студијата, рече дека целта е да се потврди вистинската ефикасност и безбедност на вакцината која е веќе клинички тестирана.
„Истражувањето исто така ќе овозможи долгорочно следење на учесниците со помош на одговори на прашања како што се времетраењето на заштитата од вакцината против ковид-19 и нови варијанти на вирусот“,
рече Гуларт.