Министерката за надворешни работи на Словенија , Тања Фајон, изрази поддршка за европскиот предлог со кој како што вели, Северна Македонија треба што поскоро да ги почне пристапните преговори со ЕУ.
„ Како вистински пријател на проширувањето на ЕУ на Западен Балкан, Словенија го поддржува отворањето на пристапните преговори со Северна Македонија што е можно поскоро. Држам среќа, предлогот на француското претседателство и ЕУ ќе го отвори патот.Тоа ќе биде многу потребен позитивен сигнал за целиот регион“
напиша Фајон на Твитер.
As a true friend of #EUenlargement to the #WesternBalkans, #Slovenia ?? supports opening of #EU ?? accession talks w/ #NorthMacedonia ?? asap. Fingers crossed @frpresi2022 / #EU proposal will pave the way. It would be a much needed positive signal for the whole region! @Bujar_O
— Tanja Fajon (@tfajon) July 3, 2022
Изминативе денови повеќе европски дипломати испратија пораки со поддршка за францускиот предлог и позитивни сигнали за земјава брзо да ги отпочне на пристапните преговори со ЕУ. Меѓу првите беше германската министерка Аналена Бербок, а вчера стигна поддршка од Италија и Шведска.
Шведската шефица на дипломатијата ,Ан Линде, рече дека нејзината земја поддржува што поскоро отворање на пристапните преговори на Северна Македонија со ЕУ. Таа Смета дека добро е што во земјава се во тек широки консултации околу ова прашање.
Италијанскиот министер за надворешни работи, Луиџи ди Маио порача дека Италија го поддржува европскиот предлог кој и е понуден на земјава.