Кога беа извршени мерењата, беше соопштено дека има специјален режим на комбинирано согорување на метан (60%) и пелети (40%)
Државниот инспекторат за животна средина (ДИЖС) нареди фабриката „Пејпер мил“ во Кочани да работи на плин, откако по мерењата на емисиите од оџакот на 30 декември 2020 повторно било утврдено дека има надминување на граничните вредности.
„На 5 јануари ’Пејпер мил‘ доби наредба да престане да го користи котелот на пелети и да премине на плин. Инсталацијата ќе работи на плин сè додека не се постигнат законски утврдените гранични вредности“,
соопштија од ДИЖС.
Кога беа извршени мерењата на 30 декември 2020 година, од Државниот инспекторат соопштија дека чадот што се испуштал бил проѕирен и со помал интензитет, што се должело на специјален режим на комбинирано согорување на метан (60%) и пелети (40%) при производството на хартија.