На прашањето за неговата контроверзна изјава во 2014 година дека Владимир Путин е светскиот лидер на кој најмногу му се восхитува, Најџел Фараж објасни дека не му се допаѓа Путин како личност, туку дека му се восхитува како политичар
Лидерот на британската десничарска Реформска партија, Најџел Фараж, кој важи за голем евроскептик денеска изјави дека Западот ја испровоцирал војната во Украина со проширувањето на Европската унија и НАТО на исток.
„Се разбира (рускиот претседател Владимир) Путин е виновен за војната. Но, поради проширувањето на ЕУ и НАТО, тој би можел да им каже на Русите дека Западот повторно се заканува“,
рече Фараж во интервју за Би-Би-Си.
На прашањето за неговата контроверзна изјава во 2014 година дека Владимир Путин е светскиот лидер на кој најмногу му се восхитува, Фараж објасни дека не му се допаѓа Путин како личност, туку дека му се восхитува како политичар, бидејќи успеал да ја преземе контролата врз водењето на Русија.
Најџел Фараж долги години беше пратеник во Европскиот парламент се до официјалното повлекување на Обединетото кралство од Унијата во 2020 година.
Секогаш беше гласен критичар на политиките на Европската унија а речиси две децении ја застапуваше тезата дека Велика Британија треба да излезе од ЕУ.