Претседателот на Европскиот совет, Антонио Кошта, вели дека настаните од синоќа се „силен потсетник дека безбедноста на еден е безбедност на сите“
Голем број европски лидери изразуваат поддршка за Полска по нарушувањето на нејзиниот воздушен простор од страна на руски беспилотни летала во текот на ноќта.
Францускиот претседател Емануел Макрон рече дека нападот е едноставно неприфатлив и го осуди на најсилен можен начин.
„Ја повикувам Русија да стави крај на оваа безобѕирна ескалација. Повторувам за полскиот народ и нивната влада дека ја имаат нашата целосна поддршка. Наскоро ќе разговарам со генералниот секретар на НАТО, Марк Руте. Нема да правиме компромиси за безбедноста на сојузниците“,
рече тој.
The incursion of Russian drones into Polish airspace during an attack carried out by Russia against Ukraine is simply unacceptable. I condemn it in the strongest terms. I call on Russia to put an end to this reckless escalation. I reiterate to the Polish people and their…
— Emmanuel Macron (@EmmanuelMacron) September 10, 2025
Холандскиот премиер Дик Шуф рече дека тоа е неприфатливо и „уште еден доказ дека агресивната војна на Русија претставува закана за безбедноста на Европа“.
„Драго ми е што холандските борбени авиони ’Ф-35’ беа во можност да обезбедат поддршка. Холандија стои рамо до рамо со својот сојузник во НАТО, Полска“,
рече тој.
Британскиот премиер Кир Стармер го осуди руското навлегување во полскиот воздушен простор, нарекувајќи го „крајно загрижувачко“.
Стармер го опиша нападот врз Украина како „варварски“ и додаде дека тоа е „грубо неодговорен потег на Русија, кој само го потврдува очигледното непочитување на мирот од страна на Путин и континуираното бомбардирање на невини Украинци“.
Тој рече дека разговарал со полскиот премиер Доналд Туск за да „ја разјасни поддршката на Велика Британија“.
„Искрено сум благодарен на силите на НАТО и полските сили кои брзо реагираа за да ја заштитат Алијансата“,
рече Стармер.
Ирскиот министер Михаел Мартин силно го осудува нарушувањето на територијалниот интегритет на Полска, нарекувајќи го „безобѕирен и невиден чин што е силен потсетник за заканата што ја претставува Русија за безбедноста на Европа“.
Финскиот премиер Петери Орпо истакна дека Полска морала да прибегне кон исклучителни мерки за да го заштити својот воздушен простор од руски беспилотни летала.
„Полска има целосна поддршка од Финска“,
рече тој.
Poland had to resort to exceptional measures to protect its airspace from Russian drones. I contacted the Polish Prime Minister Donald Tusk. Poland has Finland's full support.
— Petteri Orpo (@PetteriOrpo) September 10, 2025
The chairpersons of the government parties and other key ministers were briefed this morning.
Претседателот на Европскиот совет, Антонио Кошта, рече дека настаните од синоќа се „силен потсетник дека безбедноста на еден е безбедност на сите“.
„Ние сме во целосна солидарност со Полска по неприфатливото кршење на нејзиниот воздушен простор од страна на Русија. Континуираната агресија на Русија против Украина и неодговорните упади во воздушниот простор во земјите членки на ЕУ претставуваат директна закана за безбедноста на сите Европејци и за критичната инфраструктура низ целиот наш континент“,
вели Кошта.
Според него, Полска е во право што презема неопходни чекори за да го одбрани својот суверенитет.
„Европа ги зголемува инвестициите во својата одбрана, бидејќи мирот и безбедноста во Европа не можат да се земаат здраво за готово“,
додава тој.
Last night’s events are a stark reminder that the security of one is the security of all.
— António Costa (@eucopresident) September 10, 2025
We stand in full solidarity with Poland following Russia’s unacceptable violation of its airspace. Russia’s continued aggression against Ukraine and reckless airspace incursions into EU…
И претседателката на Европската комисија (ЕК), Урсула фон дер Лајен, изрази поддршка за Полска велејќи оти Европа стои цврсто зад неа и дека Русија мора да плати за штетата.
Во текот на ноќта Полска собори неколку беспилотни летала над својата територија, кои, како што наведуваат официјални лица во земјата, го нарушиле нејзиниот воздушен простор за време на еден од руските воздушни напади врз Украина.
Оперативната команда на вооружените сили на Полска соопшти дека за време на рускиот напад полскиот воздушен простор бил постојано нарушен од руски беспилотни летала, велејќи дека се работи за чин на агресија и реална закана по безбедноста на полскиот народ.
Полскиот премиер Доналд Туск денеска изјави дека разговарал со генералниот секретар на НАТО, Марк Руте, и го информирал за моменталната ситуација и мерките што биле преземени против објектите што го нарушија воздушниот простор.