„Многу сме загрижени поради нарушувањето на работата и насилството во српскиот парламент. Парламентот мора да биде место за демократска дебата во интерес на сите граѓани и мора целосно да ја одигра својата улога“, изјави еврокомесарката Марта Кос
Еврокомесарката за проширување Марта Кос изрази загриженост за вчерашните инциденти во српскиот парламент кои завршија со неколкумина повредени пратеници.
„Многу сме загрижени поради нарушувањето на работата и насилството во српскиот парламент. Парламентот мора да биде место за демократска дебата во интерес на сите граѓани и мора целосно да ја одигра својата улога“,
пишува еврокомесарката за проширување во објава на Икс.
Кос потсети оти институциите на Европската Унија постојано повикуваат на деескалација на тензиите преку воспоставување услови за инклузивен дијалог во кој ќе бидат вклучени засегнати страни – политичките актери, институциите и граѓанското општество, со цел решавање на реформите неопходни за иднината на Србија во ЕУ.
We are very concerned by the disruptions of parliamentary work and the violence in the Serbian parliament. The parliament must be the place for democratic debate in the interest of all citizens, and must fully play its role.
— Marta Kos (@MartaKosEU) March 5, 2025
Recent developments in Serbia targeting civil society…
Оцени оти последните случувања во Србија насочени кон граѓанските организации се многу загрижувачки.
Во српскиот парламент вчера избија инциденти откако пратениците од опозицијата почнаа да фрлаат димни бомби во собраниската сала, обвинувајќи ја владата оти нема легитимитет да донесува закони по оставката на премиерот. Инцидентите започнаа кога владејачкото мнозинство, со противење на опозицијата, го усвои дневниот ред во кој беа опфатени десетици законски предлози.
Според изјавата на претседателката на српскиот парламент Ана Брнабиќ, во вчерашните немири во парламентот се повредени три пратенички, од кои една доживеала мозочен удар.