По добиената пријава на бројот 112, на терен веднаш излегле дежурни полициски екипи од СВР Скопје на кои им бил даден и телефонскиот број на пријавителот, за да се оствари непосредна комуникација преку мобилната апликација Вибер
Петмина турски државјани се успешно евакуирани од паркингот кај Милениумскиот крст на Водно откако се изгубиле и по стемнувањето не успеале да се вратат во градот.
Случајот бил пријавен на единствениот број за итни случаи 112 во Центарот за управување со кризи (ЦУК). По добиената пријава, на терен веднаш излегле дежурни полициски екипи од СВР Скопје на кои им бил даден и телефонскиот број на пријавителот, за да се оствари непосредна комуникација преку мобилната апликација Вибер.
„Во 18:10 часот петте турски државјани се пронајдени и од кај месноста Милениумски крст на Водно и согласно остварените контакти со СВР Скопје се земени со возило на полицијата и безбедно се евакуирани кон градот“,
информираат од ЦУК.