„Со тоа се заокружува бројот на нашите граѓани кои ги имаат контактирано нашите дипломатски конзуларни претставништва во Каиро и Тел Авив со намера да им се обезбеди асистенција при евакуацијата. По привремено вдомување во Каиро, семејството ќе биде упатено кон дома“, велат од МНР
Евакуирана е мајка со две деца, која претходно по сопствен избор беше останата во Газа. Ова утрово го соопштија од Министерството за надворешни работи, од каде што велат дека во текот на изминативе 24 часа и последните тројца наши граѓани се веќе евакуирани.
„Со тоа се заокружува бројот на нашите граѓани кои ги имаат контактирано нашите дипломатски конзуларни претставништва во Каиро и Тел Авив со намера да им се обезбеди асистенција при евакуацијата. По привремено вдомување во Каиро, семејството ќе биде упатено кон дома“,
се вели во соопштението од МНР.
Оттаму ѝ се заблагодаруваат на канцеларијата на Меѓународната организација за миграции (ИОМ) за нејзината асистенција при трансферот на нашите државјани од египетскиот главен град Каиро до Скопје.
„Потсетуваме на нашите контакти за пријава на евентуални наши државјани во Газа. СОС-телефони на МНР- 075/ 273- 732 и 075/268-736, дежурниот телефон на Амбасадата во Тел Авив +972-54-926-7378 и дежурниот телефон на Амбасадата во Каиро +201033615542“,
соопштија од МНР.
Инаку, од почетокот на војната меѓу Хамас и Израел, МНР постојано апелираше да се пријавуваат македонските граѓани кои се затекнати во Газа, со цел да им се овозможи брза евакуација.
На 1 ноември минатата година МНР овозможи евакуација на петтемина македонски државјани од оваа област.