Евакуирана е првата група македонски државјани од Израел

„Со ова станавме една од првите земји во Европа што успешно организираше и реализираше повраток на своите граѓани од зоната на конфликт“, напиша Муцунски на својот фејсбук-профил

Првата група македонски државјани што побараа евакуација од територијата на Израел вчеравечер пристигнаа на скопскиот аеродром. Оваа информација ја потврди и министерот за надворешни работи и надворешна трговија Тимчо Муцунски.

„Со ова, станавме една од првите земји во Европа што успешно организираше и реализираше повраток на своите граѓани од зоната на конфликт“,

напиша Муцунски на неговиот фејсбук-профил.

Пред два дена на прес-конференција извести дека 28 македонски државјани се пријавиле за евакуација од Израел.

Тогаш посочи и дека очекувањата се првично осум лица да бидат префрлени на безбедна територија.

Муцунски: Дваесет и осум македонски државјани побарале да бидат евакуирани од Израел

Како што посочи тој, евакуацијата се изврши со владин авион.

Втората група, според него, се очекува да го напушти Израел и да замине кон нашата држава веднаш по воспоставување редовен авионски сообраќај од Тел Авив.