Претседателот на Европскиот совет, Антонио Кошта, пред неколку дена во Софија на заедничкиот брифинг со бугарскиот премиер Росен Желјазков рече дека земјава мора да ги исполни обврските договорени во 2022 година, но, одговарајќи на новинарско прашање, додаде и дека ги разбира позициите на Скопје и оти смета дека е разумно на С Македонија да ѝ се дадат гаранции дека нема да има нови барања на патот кон Европската Унија
Претседателот на Европскиот совет, Антонио Кошта, денеска на социјалната мрежа Икс упати честитки по повод 8 Септември – Денот на независноста, што денеска се одбележува во нашата држава.
„По повод националниот ден на Северна Македонија, упатувам срдечни честитки до нејзините народ и власти“,
вели Кошта на Икс.
Посочи дека Европската Унија останува посветена на заедничката иднина, но и на европскиот пат на Северна Македонија.
On the occasion of the national day of North Macedonia 🇲🇰, I extend heartfelt congratulations to its people and authorities. The EU remains committed to our shared future and to North Macedonia’s European path 🇪🇺. pic.twitter.com/Q7jCBujaaC
— António Costa (@eucopresident) September 8, 2025
Претседателот на Европскиот совет, Антонио Кошта, пред неколку дена во Софија на заедничкиот брифинг со бугарскиот премиер Росен Желјазков рече дека земјава мора да ги исполни обврските договорени во 2022 година, но, одговарајќи на новинарско прашање, додаде и дека ги разбира позициите на Скопје и оти смета дека е разумно на С Македонија да ѝ се дадат гаранции дека нема да има нови барања на патот кон Европската Унија.
„Тие очекуваат дека пристапувањето сега може да се прецизира, но она што е одобрено е одобрено, она што е договорено е договорено и тие мора да го спроведат. Во исто време, многу е важно да се изгради доверба. И да се гарантира на Северна Македонија дека она што го очекуваме и сакаме во моментов не е само нешто што го сакаме сега и го очекуваме подоцна. Нема да сакаме ништо повеќе да се прави подоцна. Ова е разумно. Исклучително е важно да се изгради доверба. Тоа е една од причините зошто ги повикуваме повеќето влади да работат на специфични прашања што можат да ја подобрат поврзаноста на двете страни. Тоа може да ги подобри условите, конкурентноста во двете економии. Да се поврзат двата народа“,
рече Кошта.
Според него, лично е вклучен во овој процес и очекува да има напредок по завршувањето на локалните избори во С Македонија.