Авганистан ни одржа лекција и немаме повеќе време за трошење, порача еврокомесарот за проширување
Еврокомесарот за проширување Оливер Вархеји вели дека Европската унија не смее да си дозволи да го изневери Западен Балкан и дека нема повеќе време за чекање.
„Проширувањето е процес, има фази и тоа е повеќе административен процес отколку политички. Треба да зборуваме за политичка, економска, социјална и безбедносна интеграција. Ова се теми за Западен Балкан. Имаме свеж пример – Авганистан. Авганистан е далеку, но Западен Балкан е тука. Нашата одговорност кон Балканот е поголема отколку кон Авганистан. Не можеме да си дозволиме да го изневериме Западен Балкан“,
истакна Вархеји на панелот „Иднината на Европа“ во рамки на Бледскиот стратешки форум.
Afghanistan is far away. #WesternBalkans is here&our responsibility is bigger. We cannot afford to fail¬ address all aspects of region’s integration into #EU. We have no time to waste: we need to take decisions to move forward. Making the case for #EUenlargement at #BSF2021. pic.twitter.com/e3T9usGEiA
— Oliver Varhelyi (@OliverVarhelyi) September 1, 2021
Тој додаде дека Европската унија треба да ги мотивира земјите од Западен Балкан, но мора да постои и мотивација во самите држави.
„Мора да бидеме одлучни да ја одржиме таа мотивација и да увериме дека понудата која ја ставивме на маса е искрена. На тој начин можеме да ги забрзаме работите. Авганистан ни одржа лекција и немаме повеќе време за трошење“,
рече еврокомесарот.