Препораката за забрана на пушење и „вејпинг“ на отворено ќе биде предмет на расправа на 27 министри за здравство на состанок во Брисел
Членките на Европската Унија би можеле денеска да ги заострат правилата против пушење и да ја поддржат забраната за пушење и „вејпинг“ на некои отворени простори како што се игралишта, плажи, базени и тераси во кафулињата.
Препораката за забрана на пушење на секаков вид цигари на отворено ќе биде предмет на расправа на 27 министри за здравство на состанок во Брисел.
Според дипломатски извори, препораката ќе биде усвоена и покрај политичките поделби за тоа прашање кои станаа видливи минатата недела кога Европскиот парламент отфрли сличен документ.
Препораката не би била обврзувачка, имајќи предвид дека здравјето е единствена одговорност на земјите членки.
По првичниот предлог на Европската комисија во септември, нацрт-документот ги повикува членките на ЕУ да ги прошират ограничувањата за цигарите за да ги вклучат новите производи како што се загреаниот тутун и електронските цигари, кои се сѐ попопуларни меѓу младите.
Во пракса тоа значи дека сите форми на пушење и употреба на тутунски производи би биле забранети на базени, зоолошки градини, автобуски станици, покриени тераси на барови и тераси во ресторани.
ЕУ има за цел да го намали загадувањето од пушењето од околу 25 проценти на помалку од пет проценти до 2040 година.