Резултатите од трите најголеми града во Турција – Истанбул, Анкара и Измир може да го променат резултатот на изборите. Досега, од обработените околу 60 отсто од гласовите, Реџеп Таип Ердоган е во водство, но гласовите од големите градови сè уште не се целосно избројани
Истанбул има население од 16 милиони жители, додека Анкара и Измир заедно имаат 10 милиони, а во сите три града пребројани се само половина од гласовите. Во Измир и Истанбул, барем засега, води Кемал Киличдароглу, додека пак Ердоган има тесно водство во Анкара.
Инаку, Измир важи за еден од бастионите на опозициската партија, а градоначалникот на Анкара рече дека опозицискиот кандидат ќе премине во водство кога ќе пристигнат гласовите од големите градови.
Според резултатите од преработените 60% од гласовите, Ердоган води со 50,76 отсто од гласовите, а Киличдароглу 43.43%. Синан Оган има 5,31%, додека пак Мухарем Инче, кој вчера се повлече, има 0,5% од гласовите.