„Познати сме по тоа што користиме рециклирани материјали во нашето производство, не само наши, туку и од нашите клиенти, како и од зелената и од сината економија. Ги рециклираме материјалите и од земјоделската гранка и од рибарството. Со тоа на тие материјали им даваме нов животен циклус, а притоа играме многу важна улога во заштитата на животната средина и во намалување на емисиите на јаглерод диоксид. Овој начин на работа веќе го применуваме во Германија. Користиме соларна и ветерна енергија“, вели извршниот директор на оваа компанија
„Епсотек Македонија“ сака да ги прошири своите активности со производствени капацитети во Скопје, односно да работи на отворање фабрика. Веќе дејствуваме на шест гранки низ светот, а се надеваме дека нашите дејности ќе ги прошириме и тука. Ова денеска на заедничка прес-конференција во Владата со премиерот Христијан Мицкоски го изјави Аламави, извршниот директор на „Епсотек“, презентирајќи ја новата германско-белгиска инвестиција, за што ќе бидат вложени 20 милиони евра.
„Ние имаме веќе 60 години искуство во овие производствени процеси и со нас носиме многу вештини и се надеваме дека тука ќе отвориме 110 работни места, кои ќе бидат претежно во машинската и инжинерската гранка. Во оваа пригода би сакале да кажеме дека наскоро би започнеле со изградба на нова зграда, односно со инвестиција од приближно 20 милиони евра, кои би ги инвестирале тука“,
рече тој.
Според извршниот директор на „Епсотек“, веќе имаат шест подружници во Европа, како во Италија, Австрија, Германија, а оваа во Скопје, како што рече, ќе биде седма, како и дека компанијата е позната по тоа што работи по еколошки стандарди.
„Познати сме по тоа што користиме рециклирани материјали во нашето производство, не само наши, туку и од нашите клиенти, како и од зелената и од сината економија. Ги рециклираме материјалите и од земјоделската гранка и од рибарството. Со тоа на тие материјали им даваме нов животен циклус, а при тоа играме многу важна улога во заштитата на животната средина и во намалување на емисиите на јаглерод диоксид. Овој начин на работа веќе го применуваме во Германија. Користиме соларна и ветерна енергија“,
вели извршниот директор на „Епсотек“.
Веднаш како што ќе почнат со планови за нова градба за нова постројка, како што рече тој, прават планови за изградба на втора, а според него, очекува и во земјата да останат со истата стратегија како и досега.
Премиерот Мицкоски кажа дека за нецели две недели кажуваат добредојде на нова инвестиција, која ќе почне во август со градба на објект надвор од индустриско-технолошките зони на територијата на Општина Петровец, а се очекува и брзо да биде удвоена.
„За почеток имаме нови 110 работни места, како и развој на истражувачки центар, нешто што досега недостасува или многу малку го има. Но, тука не застанува оваа инвестиција, туку ќе продолжи да се зголемува и бројот на вработени и извозот и самата инвестиција која очекуваме да биде најмалку двојно зголемена. Компанијата е лидер на пазарот во Германија и таму е присутна со 25 отсто што е значајна препорака за нас зашто очекуваме голем дел од компаниите кои инвеститорот ги снабдува со своите производи, да го следат неговиот пример и да дојдат тука, да инвестираат“,
рече тој.
На крајот на минатиот месец новата влада предводена од Христијан Мицкоски го најави првиот голем проект, изградба на ветерен парк, кој треба да почне да се реализира на почетокот на 2026 година.