Сликите што веќе се појавија на Интернет покажуваат купишта урнатини и остатоци од конструкцијата од тули и бетон
Во експлозија на природен гас во провинцијата Хубеи, во централна Кина, утринава загинаа 11 лица, а 144 лица се повредени, од кои 37 посериозно, јавија државните медиуми.
Експлозијата се случила околу 6:30 часот наутро по локално време, објави ЦЦТВ.
Големиот трговски комплекс, што веќе бил исполнет со купувачи и локални жители кои појадувале, се урнал непосредно по силната експлозија, соопшти весникот „Епл Дејли“ од Хонг Конг, цитирајќи очевидец на настанот.
Сликите што веќе се појавија на Интернет покажуваат купишта урнатини и остатоци од конструкцијата од тули и бетон.
Во тек е акција за спасување на преживеаните, а веднаш е отворена и истрага за причините за експлозијата.
At least 11 people were killed and 37 more severely wounded after the gas explosion in Shiyan City, central China’s Hubei Province, CGTN reported. #ShamshadNews pic.twitter.com/gVMwuwZqEM
— ShamshadNews (@Shamshadnetwork) June 13, 2021