Извори за новинската агенција Ројтерс потврдиле дека со санкциите, за кои денеска ќе разговараат претставниците на ЕУ на состанокот со почеток во 14 часот, три белоруски банки ќе бидат исклучени од банкарскиот систем СВИФТ, а на црната листа ќе се додадат уште руски олигарси и политичари
Европската комисија подготви нов пакет санкции против Русија и Белорусија, чија цел се руските олигарси и политичари, како и три белоруски банки, пренесува Ројтерс.
Извори за новинската агенција потврдиле дека со санкциите, за кои денеска ќе разговараат претставниците на ЕУ на состанокот со почеток во 14 часот, три белоруски банки ќе бидат исклучени од банкарскиот систем СВИФТ, а на црната листа ќе се додадат уште руски олигарси и политичари.
Информацијата ја потврди и високиот претставник на ЕУ, Жозеп Борел, кој на својот твитер-профил напиша дека целта е да се замрзнат средствата и да се казни ширењето дезинформации.
„Треба да ги заштитиме нашите демократии од странско мешање и обиди за манипулација. Ќе предложам нов хоризонтален режим кој ќе ни овозможи да ги санкционираме малигните дезинформации. Ова ќе биде дел од поширокиот пакет – алатки што ќе го подобри нашиот капацитет да одвраќаме и да дејствуваме. Ќе предложам нов механизам кој ќе ни овозможи да ги санкционираме овие злонамерни актери на дезинформации“,
рече тој.
Борел ја нарече употребата на лажни вести и дезинформации од Москва „бомбардирање на умовите“.
We need protect our democracies from foreign interference and attempts to manipulate.
— Josep Borrell Fontelles (@JosepBorrellF) March 8, 2022
I will propose a new horizontal regime that will allow us to sanction malign disinformation actors.
This will be part of a broader toolbox that will enhance our capacity to deter and to act. pic.twitter.com/Kc30DxSbwo