Според метеоролошката служба AEMET, во топлотниот бран во Шпанија, кој трае и денеска, температурите во некои региони достигнале 44 Целзиусови степени
Пожарникарите го ставија под контрола шумскиот пожар во близина на шпанскиот главен град Мадрид, во областа Трес Кантос, во кој загина едно лице и беше потребна евакуација на 180 лица, пишува Ројтерс повикувајќи се на информации од регионалните власти.
„Поволните услови во текот на ноќта овозможија пожарот да биде ставен под контрола“,
велат властите од регионот на Мадрид.
Timelapse del #incendio de #trescantos visto desde Cobeña. Al final del video se puede ver cómo se produce un rayo en la columna de humo.
— David García (@Eldelron) August 11, 2025
Mucho ánimo a todos los tricantinos, bomberos y personal que han ido a combatirlo 💪🏼 pic.twitter.com/63gRfSUfX6
Оттаму додаваат дека маж кој бил однесен со хеликоптер во болницата во Ла Паз откако претрпел изгореници на 98 отсто од телото, подоцна починал.
Momento en que el helicóptero de la Guardia Civil se la juega aterrizando en medio del incendio para recoger a la persona con el 98% del cuerpo quemado y llevarlo al hospital.
— Jesús de la cruz 🖤🇪🇸🇪🇺🍊🐍 (@jesusdelacruzol) August 11, 2025
HONOR al trabajo que están haciendo en un momento tan complicado. #TresCantos pic.twitter.com/Z7J3dqGrFb
Пожарот во овој регион зафатил повеќе од 1 000 хектари.
Според метеоролошката служба AEMET, во топлотниот бран во Шпанија, кој трае и денеска, температурите во некои региони достигнале 44 Целзиусови степени.
Во северна Шпанија, во регионот Кастиља и Леон, вчера беа евакуирани околу 800 луѓе од шест села поради неколку активни пожари во близина на Националниот парк „Лас Медулас“, кој е светско наследство на УНЕСКО.
Пожарникарите работат и во регионите Навара на североисток и Уелва на југозапад од Шпанија.
Научниците велат дека потоплите и посуви лета, медитеранскиот регион го ставаат во висок ризик од пожари. Откако ќе се појават пожарите, сувата вегетација и силните ветрови можат да предизвикаат нивно брзо ширење и неконтролирано горење.