Во ЕУ досега се одобрени четири вакцини, а на почетокот на 2022 ќе почне да се користи и петта – американската вакцина „Новавакс“
Повеќе од 78 отсто од возрасните луѓе во Европската Унија се вакцинирани против коронавирусот во изминатата година, изјави денеска претседателката на Европската комисија, Урсула фон дер Лајен.
„Пред точно една година во Европа почна вакцинирањето против ковид-19. Изминавме долг пат. Повеќе од 78 отсто од возрасните во ЕУ веќе се вакцинирани“,
рече шефицата на ЕК во видеообраќање.
Според неа, вакцинацијата, вклучително и засилувачката доза на вакцината, останува најдобриот начин за справување со пандемијата на коронавирусот.
„Зголемената брзина на ширење на коронавирусот, особено на варијантата омикрон, ја прави вакцинацијата уште поважна … Имаме доволно дози за да може секој да се вакцинира и да добие дополнителна доза на вакцина“,
рече Фон дер Лејен.
One year ago today, vaccination against #COVID19 started all across Europe.
— Ursula von der Leyen (@vonderleyen) December 27, 2021
We have come a long way.
Over 78% of adults in the EU are now vaccinated.
Our gratitude goes to healthcare and frontline workers who kept us safe and our communities going in these times. pic.twitter.com/c2xcUPXYCU
Ви ЕУ досега се одобрени четири вакцини против ковид-19: „Фајзер“/Бионтек“, „Модерна“, „Астра Зенека“ и „Џонсон и Џонсон“. На вонреден состанок на 20 декември, Европската агенција за лекови (ЕМА) ја препорача и американската вакцина против коронавирусот „Новавакс“ за употреба во ЕУ. Испораките на вакцините ќе започнат на почетокот на 2022 година.
Photo: EPA-EFE/ROBERT GHEMENT