Во 21.55 часот во СВР Куманово било пријавено дека на автопат Скопје – Куманово, на околу еден километар пред наплатна станица ‘Романовце’, се случила сообраќајна несреќа помеѓу патничко возило со кумановски регистарски ознаки, управувано од С.В.(20) од Куманово, и товарно возило исто така со кумановски регистарски ознаки, управувано од Д.В.(55) од кумановското село Старо Нагоричане
Осумнаесетгодишна девојка загина, а две лице се повредени во тешка сообраќајна несреќа што се случи вчера во близина на наплатната станица „Романовце“, соопшти денеска МВР.
Во сообраќајната несреќа учествувале автомобил „ауди“ и товарно возило „застава“.
„Во 21.55 часот во СВР Куманово било пријавено дека на автопат Скопје – Куманово, на околу еден километар пред наплатна станица ‘Романовце’, се случила сообраќајна несреќа помеѓу патничко возило со кумановски регистарски ознаки, управувано од С.В.(20) од Куманово, и товарно возило исто така со кумановски регистарски ознаки, управувано од Д.В.(55) од кумановското село Старо Нагоричане. На самото место починала М.М.(18) од Куманово, сопатничка во возилото , додека С.В. се здобил со тешки телесни повреди, а Д.В. се здобил со телесни повреди, констатирани во болницата во Куманово“,
соопшти денеска МВР.
Увид на местото извршиле јавен обвинител и екипа на СВР Куманово, а по наредба на обвинителот, телото на починатата било дадено на обдукција.
Сообраќајна несреќа вчера се случи и на локалниот пат Куманово – село Романовце кај месноста „Мачја глава“, соопшти денеска МВР. Во несреќата учествувале два автомобила, а повредени се двајца малолетници од кои едниот возач, другиот совозач и уште две лица.
Сообраќајна несреќа била помеѓу патничко возило со тетовски регистарски ознаки, управувано од малолетник од Куманово и патничко возило со швајцарска национална ознака, управувано од А.Д.(29) од кумановското село Романовце. Со тешки телесни повреди се здобил возачот на тетовското возило и друг малолетен сопатник во истото возило, додека со телесни повреди се здобиле А.Д. и С.Б.(39) од Куманово, совозач во другото возило.
Увид на местото на сообраќајната несреќа извршиле екипа на СВР Куманово и јавен обвинител.