Во едната сообраќајка учествувале три возила, а во втората две возила
Две сообраќајни незгоди вечерва затворија за сообраќај дел од патот Миладиновци – Куманово, информира Министерството за внатрешни работи (МВР). Неколку часа сообраќајот за патнички и товарни возила се одвиваше по една колозовна лента.
Од МВР посочија дека на иста локација се случиле две сообраќајни незгоди во кои нема повредени.
Во едната сообраќајка учествувале три возила, а во втората две возила.
Првата се случила околу 17 часот на автопатот Скопје – Куманово, кај клучката Дељадровце меѓу товарно возило марка „мерцедес“ со кумановски регистраски таблички, патничко возило „фиат“ со кумановски регистраски таблички и патничко возило „мерцедес“ со скопски ознаки.
Еден час подоцна на истото место имаше уште една сообраќајна незгода меѓу патничко возило „мерцедес“ со кумановски ознаки и товарно возило со странски таблички.
За времее на увидот на незгодите, сообраќајот се пренасочуваше кон Миладиновци, а за патнички возила се одвиваше отежнато по една сообраќајна лента.
За сообраќајката на автопатот Скопје – Куманово спроти рафинеријата ОКТА меѓу автомобил и товарно возило вечерва информираше и новинар на „360 степени“ од местото на настанот.
Според неговите информации, сообраќајот на овој потег се одвиваше отежнато и само по една коловозна лента.
Од видеото се гледа како товарните возила сообраќаат само по едната лента.