Гувернерот на Харковската Област, Олех Синехубов, изјави дека меѓу повредените се двегодишно девојче и 15-годишно момче, кои се хоспитализирани
Две лица загинаа, а десетици се ранети во руски воздушен напад врз два округа на украинскиот град Харков.
Градоначалникот на Харков, Игор Терехов, изјави дека во текот на ноќта имало 17 напади со беспилотни летала, вклучувајќи директни удари врз станбени згради, приватни домови и игралишта. Нападите предизвикале пожар во зграда во населбата Слобидски, а погодени биле и неколку куќи во населбата Основјански.
😰 Horrifying scenes from the aftermath of the Russian attack on Kharkiv. So far, 54 people have been injured and 2 confirmed killed. #StopRussianAggression #Kharkiv pic.twitter.com/v0ECmpI5lB
— Iuliia Mendel (@IuliiaMendel) June 11, 2025
„Становите горат, покривите се уништени, автомобилите се изгорени, прозорците се скршени. Се држиме заедно. Си помагаме едни на други и сигурно ќе преживееме. Харков е Украина и не може да се скрши“,
рече градоначалникот на Харков.
Гувернерот на Харковската Област, Олех Синехубов, изјави дека меѓу повредените се двегодишно девојче и 15-годишно момче, кои се хоспитализирани.
Денешниот напад на Харков следува по други големи напади врз овој и други украински градови во изминатата недела, како дел од засилената кампања на бомбардирање за која Москва рече дека е одмазда за нападите со беспилотни летала во кои беа уништени десетици руски бомбардери со долг дострел.