Две лица загинаа, а 18 се повредени во пукање што се случило на улица во неделата рано наутро во Тампа, Флорида, соопшти полицијата.
Полицајците биле присутни кога инцидентот се случи во областа Ибор Сити во Тампа нешто пред 3 часот по полноќ, рече Ли Беркау, началникот на полицијата во Тампа, на прес-конференција во неделата наутро.
„Тоа што се случи овде е трагично, што семејствата треба да се разбудат и да видат на вестите што се случи овде вечерва“,
соопшти Беркау.
Според информации од полицијата станува збор за пресметка меѓу две групи. Едно лице веќе ѝ се предало на полицијата, а по уште две се трага според првичните информации.
„Ова е многу комплицирана сцена, но она што го знаеме, во овој момент е дека станува збор за тепачка помеѓу две групи. Во оваа борба меѓу две групи, имавме вклучени стотици невини луѓе кои беа на патот. Ќе ги повикаме тие на одговорност и ќе ги изведеме пред лицето на правдата, но за тоа ни е потребна соработката на заедницата“
додаде Беркау.
Дел од медиумите пренесуваат дека на улицата каде што се случила престрелката има повеќе клубови, а присутните славеле во пресрет на Ноќта на вештерките, која традиционално се одбележува на 31 октомври.