Засега не е јасно дали сите убиени и повредени се членови на исто семејство, а од одделот на шерифот соопштуваат дека сè уште се работи на утврдување на мотивот за насилството
Пет лица се убиени во куќа во близина на Сиетл, а за убиствата е осомничено 15-годишно момче, соопштија денеска властите на американската сојузна држава Вашингтон.
Двајца од убиените се возрасни лица, а преостанатите три се деца. Во пукањето е повредено едно девојче, пренесува Ројтерс повикувајќи се на полициско соопштение.
Портпаролот на одделот на шерифот, Мајк Мелис, за новинарите на местото на настанот изјави дека осомничениот е приведен без да предизвика проблеми.
‘Multiple school-age’ kids among victims in ‘tragic’ Fall City incident pic.twitter.com/Y6h3l7WJeJ
— Patriot Pointman 🇺🇸 (@PatriotPointman) October 22, 2024
Засега не е јасно дали сите убиени и повредени се членови на исто семејство, а од одделот на шерифот соопштуваат дека сè уште се работи на утврдување на мотивот за насилството.
Полицијата добила повеќе повици за пукање во дом во Фол Сити, на околу 10 милји источно од Сиетл.
Пред да пристигнат лекарите на местото на злосторството, на повредените им била укажана прва помош од соседот кој имал одредена медицинска обука.
Осомничениот 15-годишник е приведен во малолетнички центар и денеска или утре треба да се појави на суд.