Станува збор за два одделни случаи, регистрирани во текот на вчерашниот ден дека возеле со поголема брзина од дозволената на делницата тунели Демир Капија – Гевгелија
Двајца српски државјани се приведени на граничниот премин „Табановце“, на излез од државата, бидејќи преку системот „Безбеден град“ се евидентирани како сторители на кривично дело безобѕирно управување со моторно возило, соопштија од Министерството за внатрешни работи (МВР).
Лицата се спроведени во полициска станица, а по документирање на случаите, против нив ќе бидат поднесени соодветни кривични пријави.
Станува збор за два одделни случаи, регистрирани во текот на вчерашниот ден дека возеле со поголема брзина од дозволената на делницата тунели Демир Капија – Гевгелија.
Првиот случај е евидентиран вчера во 19:05 часот, кога на „Табановце“ на излез од државата полициски службеници ја лишија од слобода Н. З. (36) од Србија.
Преку „Безбеден град“ е констатирано дека таа на автопатот А1, делница тунели Демир Капија – Гевгелија, го управувала возилото марка „мерцедес“ со српски национани ознаки со брзина од 169 километри на час на место каде максимално дозволената брзина е 80 километри на час.
Во вториот случај, вчера во 22:45 часот, полицијата го лишила В. Ж. (58) од Србија, кој со возило марка „ауди“ со српски национални ознаки е евидентиран дека на автопатот А1, делница тунели Демир Капија – Гевгелија го управувал возилото со брзина од 175 километри на час на место каде максимално дозволена брзина е 80 километри на час.