Како што информира ЈОРМ, двете лица на 4 јули биле затекнати во кајче на наведената локација, со висечка рибарска мрежа и уловени три парчиња охридска пастрмка, со што како соизвршители сториле кривично дело – незаконит риболов од член 229 став 1 од Кривичниот законик
Јавен обвинител од Основното јавно обвинителство Охрид поднесе обвинение против две лица, државјани на Република Албанија, за кои се обезбедени докази дека ловеле риба со мрежа во води во кои е забранет риболов, во Охридското Езеро на околу 6,5 километри од месноста Свети Стефан.
Како што информираат од ЈОРМ, двете лица на 4 јули биле затекнати во кајче, со висечка рибарска мрежа и уловени три парчиња охридска пастрмка, со што сториле кривично дело – незаконит риболов од член 229 став 1 од Кривичниот законик.
Со поднесеното обвинение, јавниот обвинител достави и предлог за продолжување на претходно определената мерка притвор за двајцата обвинети, додаваат од ЈОРМ.