Според досегашните податоци со кои располага Сеизмолошката опсерваторија при Природно-математичкиот факултет во Скопје, првиот земјотрес е почувствуван во Охрид, Струга и блиската околина со интензитет од 4 степени според Европската макросеизмичка скала
Сеизмолошката опсерваторија при Природно-математичкиот факултет во Скопје информира дека денеска наутро се регистрирани два последователни земјотреси.
Првиот земјотрес е регистриран во 5:07 часот, додека вториот девет минути подоцна, во 5:16 часот. Епицентрите потекнуваат од епицентралното подрачје Пештани-Охрид-Струга, на околу 100 километри југозападно од Скопје.
Земјотресите биле со Рихтерови локални магнитуди од 3.4 и 2.3 степени, информира опсерваторијата. За првиот земјотрес има и дополнителна информација дека е почувствуван во Охрид, Струга и блиската околина со интензитет од 4 степени според Европската макросеизмичка скала.