Според морнарицата, се очекуваше бродовите да пристигнат меѓу 24 и 25 март на Куба, но нема потврда за тоа. Тие се дел од поширока иницијатива за помош на Куба, која се соочува со енергетски проблеми, долгорочни прекини на електричната енергија и продлабочување на економската криза откако САД го заострија ембаргото за нафта и други стоки
Мексиканската морнарица започна операција за пребарување и спасување на Карибите, со цел да лоцира две едрилици што носат хуманитарна помош за Куба. Ова следува откако бродовите не пристигнаа на предвидената локација во Хавана.
Двете едрилици тргнаа минатата недела од Исла Мухерес, во мексиканската држава Кинтана Ро, на пат кон Хавана со девет члена на екипажот од различни националности.
Според мексиканската морнарица, се очекуваше бродовите да пристигнат меѓу 24 и 25 март на Куба, но нема потврда за тоа.
Двата исчезнати брода се дел од поширока иницијатива за помош на Куба, која се соочува со енергетски проблеми, долгорочни прекини на електричната енергија и продлабочување на економската криза откако САД го заострија ембаргото за нафта и други стоки.
Според морнарицата, одделен брод од конвојот пристигна во Хавана пред неколку дена.
„Капетаните и екипажот се искусни морнари, а двата брода се опремени со соодветни безбедносни системи и опрема за сигнализација. Целосно соработуваме со властите и остануваме уверени во способноста на екипажот безбедно да стигне до Хавана“,
велат надлежните од морнарицата.
Мексико, исто така, воспостави контакт со центрите за координација на поморските спасувачки активности во Полска, Франција, Куба и САД, како и со дипломатски претставници на земјите од кои потекнуваат лицата на бродот.