Според ДУИ, ова не е изолиран случај, туку дел од серија, како што велат, националистички ветувања собрани под слоганот „да им се покаже местото на Албанците“
Уште во 2022 година лидерот на опозицијата Христијан Мицкоски јавно одби да ги прифати резултатите од пописот на населението, алудирајќи особено на фактот дека Албанците сочинуваат 29.5% од вкупната популација, а тој тогаш вети дека штом ќе дојде на власт ќе организира електронски попис за да ги коригира резултатите, реагираат од ДУИ.
Според ДУИ, ова не е изолиран случај, туку дел од серија, како што велат, националистички ветувања собрани под слоганот „да им се покаже местото на Албанците“.
„Не нè изненадуваат чекорите на овој сегмент на власта ниту, пак, институциите кои успеаја да ги заробат, како што се Уставниот суд, Јавното обвинителство и други. Секоја од овие институции активно работи на спроведувањето на изборната програма на ВМРО и на ветувањата на Мицкоски: преку укинување на балансерот, уривање на механизмите за заштита од мајоризација, отстранување на албанскиот јазик од институциите, како и исклучување на Албанците од повисоките позиции во администрацијата, безбедносните служби, одбраната итн. Но, она што е навистина потресно е што остатоците од ВЛЕН во оваа влада, преку шокантна поддршка, ја легитимираат и практично ја потврдуваат оваа политика на власта“,
велат од ДУИ.
Со уценети и заробени институции, како што велат, се создаваат лажна слика дека владата е мултиетничка и дека се штитат интересите на Албанците.
„Албанците не се наивни и никогаш нема да прифатат да бидат предмет на дигитален инженеринг од страна на власта, без оглед на тоа што во таа операција активно учествуваат и Албанци од ВЛЕН. Овие обиди нема да поминат. За тоа ги уверуваме и Албанците, но и тие што стојат зад овие опасни обиди за иднината на државата“,
додаваат од ДУИ.