Од првиот ден на мандатот, покрај блокирањето на европската перспектива, оваа влада и нејзините партнери ги напаѓаат темелите на еднаквоста и Охридскиот мировен договор – тврди ДУИ
ДУИ ги обвинува ВМРО-ДПМНЕ и ВРЕДИ за недостиг на политичка волја во однос на евроинтеграциите. Според ДУИ, тоа што претставници од власта велат дека една година не е доволна за уставните измени е неуспех на оваа влада да ја води државата кон европската интеграција и да го почитува самиот Охридскиот мировен договор.
„Од првиот ден на мандатот, покрај блокирањето на европската перспектива, оваа влада и нејзините партнери ги напаѓаат темелите на еднаквоста и Охридскиот мировен договор: го укинаа ‘балансерот’, со што го нарушија правичнотот застапување на Албанците и другите заедници; ја девалвираа охридската рамковна спогодба доверувајќи ја нејзината имплементација на личности со антиалбански и антиевропски ставови, како Иван Стоилковиќ; ја избришаа дијаспората од политичкото претставување и го намалија бројот на Албанците во официјалните статистики; не го почитуваат службеното користење на албанскиот јазик и го девалвираа Инспекторатот за јазици и Агенцијата за примена на јазиците“,
посочува ДУИ преку соопштение.
Според нив, власта отвора нови фронтови против механизмите на еднаквост како Бадентеровото мнозинство.
„Секој обид за релативизирање или преиспитување на Бадентер претставува обид за враќање на државата назад во исклучување и дискриминација“,
се вели во соопштението на ДУИ.
Оттаму велат дека Албанците нема да дозволат враќање на исклучувањето и дека на изборите во октомври ќе следува час по политичка и правна одговорност.