Бескаматни кредити од 20 000 евра за млади парови да може да си купат стан или куќа, ветува кандидатот за премиер на ДУИ, Насер Зибери.
„Нашите заложби во овој поглед се многу сериозни. Ние мора да ги насочиме нашите идеи во однос на плановите за поддршка на младите луѓе, во насока на поддршката за младите парови до 35-годишна возраст, кои имаат посериозни потреби и предизвици. Поточно, мора да ја насочиме нашата поддршка кон паровите кои сè уште не го решиле станбениот проблемот – да им се понуди помош во вид на кредит без камата до 20 000 евра“,
рече Зибери за време на разговорот со еден млад пар.
Тој денеска во рамки на кампањата на ДУИ посети млади семејства и посочи дека во неговите планови е и дополнително да ја развие и мрежата за предучилишно образование, градинки за деца, затоа што е констатиран недостаток во овој сегмент.