Од партијата на Ахмети најавија обединување на албанскиот глас за остварување на идејата за првиот премиер Албанец во земјава
СДСМ и ВМРО-ДПМНЕ може да имаат многу разлики, но кога станува збор за неприфаќање на албанската заедница во врвот на власта, тие се исти, обвини денеска ДУИ.
Во соопштението од ДУИ ја посочуваат денешната изјава на лидерот на ВМРО-ДПМНЕ кој рекол: „Ултиматумот на ДУИ за премиер Албанец ќе не оддалечи од коалицијата, наместо да не зближи“, што според ДУИ е копија на како што велат неговиот хомолог од СДСМ Заев, кој пред само неколку дена строго и се спротистави на идејата за премиер Албанец, истакнувајќи дека „ако ДУИ има таков услов за владина коалиција, тогаш ДУИ нема да биде дел од идната влада”.
„Но овој не е единствениот пример кога СДСМ и ВМРО ја покажуваат нивната истомисленост на власта резервирана екслузивно за македонските партии. Груевски официјално целеше на 61 пратеник во изборите 2016 година за да го отстрани влијанието на Албанците во политичките одлуки. Заев истото го потврди во март 2020г. Исто како што Груевски не успеа во тоа време, ниту Заев и Мицковски исто така нема да успеат и овој пат во елиминацијата на клучното влијание на Албанците во политиката во Северна Македонија“,
порачуваат од ДУИ во соопштението.
Од оваа партија посочуваат дека ако Албанците се обединат зад нивната идеја за премиер Албанец, тоа и ќе го остварат.
„Со еден силен и унифициран албански глас, македонските партии ќе треба да го прифатат нашето барање за премиер Албанец бидејќи ниту една од нив нема да го има потребното мнозинство во Собранието без поддршката на Албанците. После три децении на двоецот на македонската власт, време е за една нова епоха во политиката, каде Албанците ќе го заземат нивниот еднаков дел на власта и каде ќе го имаме првиот премиер Албанец во Северна Македонија“,
велат од ДУИ во денешното соопштение.