Централниот изборен штаб на ДУИ, по телефонските консултации со лидерите на најголемите политички партии во земјава, објавува мораториум на сите предизборни партиски активности до 22 март 2020 г.
Во недела, на 22 март, лидерите би требало да се сретнат за да донесат заедничка одлука согласно околностите, велат во соопштение од ДУИ.
*поврзана вест И СДСМ и ВМРО-ДПМНЕ не исклучуваат одложување на изборите
Претходно, на прес-конференција и премиерот Оливер Спасовски објави дека изутрината разговарал по телефон со лидерите на релевантните политички партии од кои добил уверување дека ги прекинуваат сите предизборни активности до 22 март, еден ден пред стартот на изборната кампања.
„Апелираме до граѓаните да не паничат, да останат дома и да се присебни почитувајќи ги насоките на авторитетите. За сите граѓани кои имаат потреба да им се излезе во пресрет, нашата телефонска линија 08005500 ќе биде на располагање од понеделник заедно со нашите активисти и сите наши структури при што сите тие ќе ги почитуваат препораките за претпазливост со употреба на ракавици, маски, дезинфекција“, соопштија од ДУИ.