Веста дека Охрид не е ставен на Листата на загрозени светски наследства е добредојдена и носи три важни пораки, вели Росана Дуџак, постојана координаторка на Обединетите нации во Македонија.
Прво, вели Дуџак, одлуката на Комитетот за светско наследство да не го стави Охрид на листата не ја намалува итноста да се делува и покрај дополнителните две години што се дадени за да се избегне таa судбина.
потенцира постојната координаторка на ОН.
„Со децении, Охрид е оптоварен со несоодветно и често нелегално градење, со слаб менаџмент на рибниот фонд и недостаток на заштитни механизми за животот под вода. Долго време гледавме апатија кон природните и културните богатства. Проблемите со кои се соочува Охрид сега бараат сеопфатен пристап не само во надминувањето на акумулираната штета, туку и за сето понатамошно планирање и менаџирање на областа. Времето да се делува е СЕГА!“,
Како втора порака од одлуката на УНЕСКО, Дудаќ ја посочи и неопходноста од засилена соработка меѓу локалната и централната власт, заедно со невладиниот сектор, со цел зачувување на статусот на Охридско-струшкиот регион.
„Двегодишното одложување е неверојатна можност за значително зголемени напори кон корективни мерки и подобро менаџирање со местото. Сега, сите напори мора да се удвојат за да се вратат вредностите за кои Охрид е поставен на листата на меѓународни природни и културни богатства. За тоа е потребно координирано делување и блиска соработка меѓу сите засегнати страни, вклучително и локалната и централната власт, граѓанскиот сектор, граѓаните на Охрид и Струга, туристите и меѓународната заедница. Во таа смисла, ги поздравуваме неодамнешните напори на Владата и на општините Охрид и Струга. Ги поздравуваме и посветените напори на граѓанските организации на оваа тема. Подготвени сме да ја обезбедиме поддршката потребна за Охрид да не заврши на Листата на загрозени светски наследства“,
вели Дудаќ.
На крајот, Дудаќ додаде дека Охрид е богатство за целиот свет и сите страни имаат заедничка обврска за зачувување на неговата вредност.
„Конечно, одлуката покажува дека мора заедно да го заштитиме природното и културното богаствто на Охрид. Мора да делуваме заедно зашто Охрид ни припаѓа на сите нас, на луѓето што живеат на неговото крајбрежје, преку институциите и оштините што го менаџираат неверојатното културно и природно богатство, до сите нас, до граѓаните на Северна Македонија и до граѓаните на светот. Охрид е богатство за целиот свет и наша заедничка обврска е да го заштитиме и зачуваме, за нас и за сите идни генерации“,
порачува постојана координаторка на ОН.