Снимки, кои се шират на социјалните мрежи, покажуваат густ сив чад кој се издига на небото над Москва
Силите за противвоздушна одбрана собориле украинскo беспилотно летало над Москва утрово, соопштија руските власти. Руското Министерство за одбрана соопшти дека Украина го извршила нападот околу 4 часот по московско време „користејќи беспилотно летало против објекти лоцирани во Москва и московскиот регион“.
Воздушниот простор во близина на четирите главни аеродроми околу руската престолнина – Внуково, Домодедово, Шереметјево и Жуковски накратко бил затворен, со одложени полетувања и пристигнувања, а седум летови биле пренасочени на алтернативни аеродроми.
„Откако се активираше противвоздушната одбрана, се промени насоката на летот на дронот, кој падна на нестанбена зграда во Краснопресненскаја“,
соопшти министерството, додавајќи дека тоа е област во која се сместени бројни владини згради.
Снимки, што се шират на социјалните мрежи, покажуваат густ сив чад кој се издига на небото над Москва.
⚡?️ Drone attack on Moscow. (ASMR) pic.twitter.com/Sb1kSbIrZ2
— Astraia intel ?? (@astraiaintel) August 18, 2023
Градоначалникот на Москва рече дека службите за итни случаи се на терен, но дека првите извештаи укажуваат дека нема жртви.
„Остатоците од леталото паднаа во областа на Експо центарот и не предизвикаа значителна штета на зградата“,
наведе Сергеј Собјанин на Телеграм.
❗️ Another drone attack on Moscow#Moscow residents are massively reporting the sounds of an explosion. Moscow Mayor Sobyanin said that a drone was shot down by air defense forces while attempting to fly over Moscow. The wreckage of the UAV fell in the area of Expocenter.
— NEXTA (@nexta_tv) August 18, 2023
Now… pic.twitter.com/HNlgPTsmGQ
Сè уште нема коментари од Украина околу овој напад.