Францускиот министер за надворешни работи, Жан-Ив Ле Дриан, зборувајќи за француските министри, истакнал дека очекува и Франција да се соочи со тешки финансиски последици од војната
Се соочуваме со „ѕид“ и војната ќе биде долга, изјави денеска францускиот министер за Европа и за надворешни работи Жан-Ив Ле Дриан, за Франс Интер.
Како што јави дописникот на МИА, Дриан истакнал дека е песимист и оти најлошото е пред нас.
На прашањето за нападот врз воената база Јаворив во близина на Лавов, при што загинаа најмалку 35 луѓе, Дриан рекол дека во Украина моментално не постои безбеден регион.
„Никаде во Украина денес не сме безбедни од бомби. Украина е под оган од руските сили“.
изјавил Дриан.
Министерот за надворешни работи истакнал дека оваа војна ќе има последици и врз француската економија.
„Се наоѓаме во многу тешка ситуација. Мораме да ги контролираме енергетските трошоци“,
наведе шефот на француската дипломатија.
Тој истакнал и дека руско-украинските преговори се блокирани од поради преголемите барања од страна на Русија. Руската и украинската страна досега три пати седнаа на маса, засега немаше договор за прекин на огнот.