Германскиот и шкотскиот научник се наградени за создавање нов сет алатки кои помагаат во откривањето нови лекови
Нобеловата награда за хемија за 2021 година им беше доделена на Бенџамин Лист и Дејвид В.Ц. Мекмилан. Кралската шведска академија објави дека научниците се наградени за „генијална алатка за градење молекули“, која помогна во развојот на нови лекови и ја направи хемијата „позелена“.
Ним им беше доделена наградата „за развој на асиметрична органокатализа“.
„Нивните откритија поттикнаа сосема нов начин на размислување за тоа како да се комбинираат хемиските молекули. Овој нов сет алатки е широко користен денес, на пример, во откривањето нови лекови, како и во производство на фини хемикалии, а човештвото веќе има големи придобивки“,
рече Пернила Витунг-Стафшеде, член на Нобеловиот комитет за хемија.
BREAKING NEWS:
— The Nobel Prize (@NobelPrize) October 6, 2021
The 2021 #NobelPrize in Chemistry has been awarded to Benjamin List and David W.C. MacMillan “for the development of asymmetric organocatalysis.” pic.twitter.com/SzTJ2Chtge
Германскиот научник Лист и шкотскиот хемичар Мекмилан работеа независно еден од друг.
Да потсетиме, годинашната Нобелова награда за медицина им беше доделена на Дејвид Џулиус и Ардем Патапутијан за нивното откривање за функционирањето на рецепторите за температура и допир, додека Нобеловата награда за физика им беше доделена на Шукуро Манабе, Клаус Хаселман и Џорџо Париси за нивната револуционерна работа на предвидување на глобалниот систем за затоплување и разбирање на сложените физички системи.