Министерството за образование и наука информира дека во тек е аплицирање за сместување во студентски домови за студентите од прва година на студии.
Аплицирањето се врши електронски, преку порталот e-uslugi.mon.gov.mk, а крајниот рок е 16 септември.
Потребните документи за бруцошите се наведени во конкурсот кој е објавен на посочениот портал и од каде што може да се симнат, пополнат и повторно да се прикачат во апликацијата.
Конечниот список со примени студенти ќе биде објавен на 30 септември на огласните табли во студентските домови и на веб-страницата на Министерството за образование и наука www.mon.gov.mk.