Точно се знаат кои се кластерите на новите заболени и тие потекнуваат од неколку семејства, засега нема податок дека има нов кластер, рече министерот за здравство Венко Филипче на денешната прес-конференција.
„Сè уште ќе ги анализираме бројките на новодијагностицирани пациенти и од каде потекнуваат тие. Точно ги знаеме семејствата на оние кои се прават анкети во Скопје и регионот на Куманово. Засега, немаме податок дека е нешто непознато или нешто може да изненади во смисла на нов кластер“,
рече Филипче.
Во однос на претстојниот празничен викенд, Филипче рече дека до четврток ќе се знае како ќе се организира движењето, но и дали некаде ќе се вратат рестриктивните мерки.
„До четврток ќе има одлука, имајќи предвид дека и в петок има празник во којшто може да се случи граѓани да не ги почитуваат мерките. Во однос на тоа како ќе се изведе, добро ќе се разгледаат регионите на неколку населби и ќе разговараме со МВР за организацијата. Знаеме дека е покомплицирано во Скопје, беше сосем различно во Дебар и во Куманово“,
рече Филипче.