На повторените избори не е потребна излезеност од една третина на гласачите, туку за да се избере градоначалник треба за еден од кандидатите да гласаат повеќе од половина од излезените избирачи
До 17:00 часот, на повторените избори за градоначалник кои денеска се одржуваат во општините Врапчиште, Гостивар, Центар Жупа и Маврово и Ростуше, гласале вкупно 32 547 гласачи, што претставува 25,39 отсто од вкупно запишаните 128 286 гласачи – покажува статистиката на веб страницата на Државната изборна комисија.
Гласањето се спроведува на 215 избирачки места.
Најголема излезност е забележана во општина Врапчиште, каде до 17 часот гласале 7 984 гласачи, односно 29,28 отсто.
Во Гостивар своето избирачко право го искористиле 20 887 гласачи, што е 25,23 отсто.
Во Центар Жупа гласале 934 гласачи, односно 12,35 отсто, додека во Маврово и Ростуше гласале 2 742 гласачи, што претставува 25,93 отсто.
Согласно Изборниот законик, на повторените избори не е потребна излезеност од една третина на гласачите, туку за да се избере градоначалник треба за еден од кандидатите да гласаат повеќе од половина од излезените избирачи, вклучувајќи ја и Центар Жупа, каде што има само еден кандидат.