Од 22 август до денеска, цената на дизелот „скокаше“ четирипати или вкупно за една недела тој поскапе за 9,5 денари
Дизел-горивото од полноќ ќе постапи за 3 денари и новата цена повторно ќе биде над 100 денари за литар или конкретно ќе се чини 101.5 денари.
Бензините, пак, ќе постапат по 0,5 денари и новите цени ќе бидат 89,5 денари за литар за еуросупер БС-95, а 92 денари за литар за Еуросупер БС-98.
Новите цени што ќе важат од полноќ доаѓаат по одлуката на Регулаторната комисија за енергетика (РКЕ) донесена на денешната седница.
Со одлуката дизелот првпат ќе биде поскап за 12 денари по литар во споредба со Еуросупер БС-95.
Според одлуките на РКЕ на седниците одржани изминатата недела (22-29 август) цената на дизелот за овој период се зголеми за речиси 10 денари.
На 22 август таа се покачи за 1,5 денари, на 24 август за три, ден подоцна скокна за уште два денари. Со денешните три денари кои ќе важат од полноќ тоа се вкупно 9,5 денари.
Во цената на еуросупер БС-95 и еуросупер БС-98, пак, имаше промени само по седницата на 22 август, кога скокна за 0,5 денари. Со денешната одлука за поскапување од 0,5 во споредба со дизелот, бензинот за една недела поскапил за само еден денар.