Цените на бензините, пак, остануваат исти
Од полноќ, цената на дизелот ќе се намали за два денари и ќе се продава по 85,5 денари за литар, а на екстралесното масло за домаќинство за 2,5 денара и ќе се продава по 81,5 денар по литар, одлучи Регулаторната комисија за енергетика (РКЕ).
За 1,217 денар се намалува и цената на мазутот М-1 НС што значи дека ќе се продава по 56,13 денари за килограм.
Бензините ЕУРОСУПЕР БС-95 и ЕУРОСУПЕР БС-98, пак, не се менуваат и ќе продолжат да се продаваат по 83,5 односно 85,5 денари по литар.