Кај должникот обврзник „ММММ кафе“ ДООЕЛ, како што информираат од оваа институција, во неколку наврати во период од крајот на 2022 година се реализирани постапки за извршување неплатен долг со блокада на сметка и долгот е наплатен, по што сметката по автоматизам се деблокира од банката
Не се точни информациите што се објавени во дел од медиумите дека дискотеката „Пулс“ во декември 2024 година била пломбирана од страна на Управата за јавни приходи (УЈП), велат од оваа институција.
Сепак, оттаму посочија дека за овој објект е изречена казна за сторен прекршок во декември 2024 година, согласно Законот за регистрирање готовински плаќања.
„Пломбирање што се пласира и за кое се шпекулира во јавноста е извршено кај друг угостителски објект (со друг назив) кој бил предмет на контрола и за кој е изречена привремена забрана за вршење на дејност од 15 дена во периодот јули 2023 година, по претходно извршени контроли согласно Законот за регистрирање на готовински плаќања“,
се вели во соопштението испратено до медиумите од УЈП.
Според УЈП, кај должникот обврзник „ММММ кафе“ ДООЕЛ во неколку наврати во период од крајот на 2022 година се реализирани постапки за извршување на неплатен долг со блокада на сметка и долгот е наплатен, по што сметката по автоматизам се деблокира од банката.
„Од август 2024 година постапките за извршување на долгови се се уште активни заради наплата од средства на должникот во банките по повеќе основи, како даночни долгови и плати“,
пишуваат од УЈП.
Посочуваат дека блокирање на сметка, како мерка, согласно Законот за даночна постапка е предвидена во постапка на извршување, односно, наплата на долг во постапка на присилна наплата која ја спроведува УЈП.
„Во постапка на присилна наплата на долг согласно Законот за даночна постапка не е предвидена мерка затворање на објект. Блокирањето на сметка како мерка и привремена забрана за вршење дејност како мерка се изрекуваат за различни основи, согласно различни закони и во различни постапки“,
информираат од оваа установа.
Од УЈП посочија дека шпекулациите во јавноста, како пласирани информации во медиумите претходно не се побарани, ниту потврдени, а ниту дадени од нивна страна.
„Поради сензитивноста на случајот, а во интерес на истрагата за овој трагичен настан, УЈП ќе се воздржи од соопштување на информации, со цел на каков било начин да се спречи влијание на истрагата која е во тек“,
велат оттаму.
Додаваат дека соработуваат со надлежните органи со цел обезбедување на потребни докази и информации за потребите на истражните и кривичните постапки.
В