Научникот смета дека до следната зима ќе се вакцинира 60-70 проценти од населението, со што пандемијата ќе се стави под контрола
Голема е веројатноста вакцината да биде ефикасна против новата мутација на коронавирусот, изјави Угур Сахин, научник и директор на компанијата „Бионтек“, чија вакцина е одобрена во ЕУ.
Тој за Дојче веле изјави дека се надева дека на имунизација на населението до следната зима и дека стапката на хоспитализација на стари лица ќе се намали за неколку месеци.
Со оглед на тоа дека ЕМА ќе ја објави одлуката за американската вакцина на „Модерна“ на 6 јануари, Сахин вели дека тоа дава надеж дека наскоро ќе можат да се најдат доволно вакцини на пазарот за пандемијата да се стави под контрола до следната зима.
Тој посочува дека за тоа треба да се имунизираат од 60 до 70 проценти од луѓето.
Што се однесува до новиот вид коронавирус, кој првпат беше забележан во Велика Британија, директорот на „Бионтек“ вели дека постои голема веројатност вакцината да биде ефикасна бидејќи, иако оваа варијанта има повеќе мутации, само еден процент од релевантниот протеин е променет.
„Ова значи дека 99 проценти е исто, а нашата вакцина предизвикува имунолошки одговор со напад на протеините на вирусот од повеќе страни“,
додава научникот.