Во однос на излезеноста за Град Скопје, според податоците од 656 избирачки места, најголем одзив до 15 часот има во Општина Карпош – 32,40 отсто, потоа е Центар со 31,65 отсто и Кисела Вода со 27,45 проценти. Најмала излезеност има во Сарај, Чаир и Шуто Оризари
Излезеноста во вториот круг од локалните избори до 15 часот изнесува 27,19 проценти на државно ниво, покажуваат податоците на Државната изборна комисија (ДИК).
Како што може да се види на веб-страницата на ДИК, станува збор за процент што доаѓа од обработени 99,89 избирачки места или во апсолутни бројки до 15 часот денеска гласале 275 034 граѓани од вкупно запишаните 1 013 357 кои денеска гласаат во 32 општини за избор на градоначалник.
Излезеноста за Град Скопје, според овој пресек, изнесува 22,94 проценти, односно на гласање до 15 часот според Државната изборна комисија излегле 104 182 гласачи од вкупно 474 304, колку што се запишани во Избирачкиот список за главниот град.
По општини, до 13 часот најголема е излезеноста во Крушево – 50,22 отсто, потоа следуваат Пробиштип со 49,04 проценти, Росоман со 48,13 проценти, Демир Капија – 46,97 проценти, Лозово и Дојран каде што излегле 46,95, односно 46,75 од запишаните гласачи.
Најмала излезеност до 15 во вториот круг е регистрирана во Општина Сарај – 6 проценти, потоа во Чаир – 8,83 проценти и Бутел со излезени 18,52 отсто од избирачите.
Во првиот круг излезеноста до 15 часот на државно ниво била 31,34 отсто.
Во однос на излезеноста за Град Скопје, според податоците од 656 избирачки места, најголем одзив до 15 часот има во Општина Карпош – 32,40 отсто, потоа е Центар со 31,65 отсто и Кисела Вода со 27,45 проценти. Најмала излезеност има во Сарај, Чаир и Шуто Оризари.
Во однос на споредбата со одзивот на гласачите во првиот круг и пресекот направен во 15 часот, излезеноста на ниво на Град Скопје тогаш била 31,16 проценти.