„Во последно време во јавноста се појави прашање дали идентификацијата ќе биде со отпечаток на прст. Не ми беше јасно зошто ова прашање се поставува сега, кога согласно Изборниот законик јасно е наведено како ќе се спроведува идентификација на гласачите. Значи, идентификацијата на гласачи ќе биде со отпечаток од прст, што беше усвоено и ставено во законот од 2020 година“, вели потпретседателката на ДИК
Двојните избори, кои ќе се спроведат во април и мај годинава, државата ќе ја чинат речиси 17 милиони евра, од кои шест милиони евра ќе се користат за работата на Државната изборна комисија (ДИК) и за подготовките што треба да ги прави за реализација на изборите, а над десет милиони евра ќе се користат за платено политичко рекламирање, соопшти потпретседателката на ДИК, Дитмире Шеху, на денешната 75. седница, на која се изгласаа вкупно 22 точки на дневниот ред.
„Над 390 милиони денари или шест милиони евра ќе одат за организирање на изборите, со обезбедување доверлив и недоверлив материјал, транспорт, паричен надоместок за избирачките органи, односно на членовите на општинските изборни комисии, избирачките одбори, додека за платено политичко рекламирање за двојните избори се предвидени 656 милиони денари или над десет милиони евра“,
рече Шеху.
Поголемиот дел од средствата што ќе се трошат, според неа, спаѓаат во делот на платено политичко рекламирање, односно плаќање на медиумите.
„Ќе наведам колку средства ќе бидат потрошени за парламентарни и претседателски избори, бидејќи за претседателски избори ќе се користат повеќе средства во делот на платено политичко рекламирање, затоа што во првиот круг за претседателски избори на сите учесници во изборите им следува по две евра за запишан избирач, уште еднаш да повторам на запишан избирач на избирачкиот список. Исто така и по едно евро на кандидатите кои ќе бидат во вториот круг, исто така на запишан избирач. Додека за парламентарните избори по две евра на сите учесници во избори, исто така на запишан избирач. Тука само да наведам дека од вкупните средства ги баравме од Министерството за финансии, сите средства ни се дадени, само во делот ни недостасуваат во платено политичко рекламирање, каде со самиот Министер за финансии се договоривме дека овие средства ќе ги надополнат, подоцна, бидејќи средствата за платено политичко рекламирање се плаќаат 30 дена по конечноста на резултатите. Ова нема да влијае и нема да имаме проблеми во текот на организирањето на изборите“,
вели таа.
Таа истакна дека колку финансиски средства побарале, толку се одобрени за организирање на претседателските и парламентарни избори.
Потпретседателката на ДИК, Шеху, во последната 22. точка разно рече дека јавноста е заинтересирана во делот на идентификација на гласачите и дали ДИК е подготвена за организирање на двојните избори, па во тој дел посочи и дека ДИК, нејзините членови и вработени веќе една година се подготвуваат за двојните избори да поминат во фер, демократска атмосфера и да бидат безбедни.
„Во последно време во јавноста се појави прашање дали идентификацијата ќе биде со отпечаток на прст. Не ми беше јасно зошто ова прашање се поставува сега, кога согласно Изборниот законик е јасно наведено како одвива идентификацијата на гласачите. Значи, идентификацијата на гласачи ќе биде со отпечаток од прст, што беше усвоено и ставено во законот од 2020 година. Но, потоа читав на одредени портали дека јас сум била спомната од одредени политички партии, дека претставникот на ДУИ бил, да не кажам против, правел проблеми во ДИК и не сакал да има идентификација со отпечаток од прст. Тука сте вие колеги бидејќи на седница не сум го кажала тоа и вие сте свесни и ги слушате сите седници, како што претходно кажав, тие се јавни и можете да потврдите дали некогаш е разговарано на оваа тема. ДИК ги носи нашите одлуки согласно на закон. Најголем демант е кога човек зборува со факти и дела“,
рече Шеху.