Џони Деп (58) ја тужеше својата поранешна сопруга Амбер Херд за клевета по обвинувањата дека била жртва на семејно насилство, тврдејќи дека тоа му ја уништило репутацијата и кариерата
Поранешната холивудска двојка размени сериозни обвинувања за време на судењето кое со недели го привлекуваше вниманието на јавноста – и Деп и Херд тврдеа дека биле жртви и на емоционално и на физичко малтретирање
Џони Деп го доби процесот по тужбата за клевета против неговата поранешна сопруга Амбер Херд, која јавно го обвини за семејно насилство, јавува Би-би-си.
Меѓутоа според пресудата обајцата треба да исплатат штета еден на друг. Поротата одлучи дека Херд мора да му плати на својот поранешен сопруг 10 милиони долари отштета и 5 милиони долари парична казна, јавува Би-би-си.
Поротата утврди и дека Џони Деп ја клеветел Амбер Херд, преку изјави на неговиот адвокат Адам Волдман во медиумите, и тоа само во една од трите точки.
Актерката ќе добие обештетување од два милиони долари.
„Пред шест години мојот живот се смени засекогаш, животите на моите деца, животите на најблиските, како и животите на луѓето кои ме поддржуваа многу, многу години и веруваа во мене. Сè додека трепнеш“,
рекол Деп во писмената изјава, а пренесува Би-би-си.
„Преку медиумите ми беа наметнати лажни, многу сериозни и криминални обвиненија, кои предизвикаа бескраен наплив на содржини од омраза, иако против мене никогаш не беше покренато обвинение. Веќе сeто тоа го обиколи светот двапати во наносекунда и имаше сеизмички ефект, влијание врз мојот живот и мојата кариера. И шест години подоцна, жирито ми го врати животот. Навистина сум понизно благодарен“,
изјави актерот.
„Разочарувањето што го чувствувам денес е неописливо. Срцето ми е скршено што планината докази уште не беше доволна да се спротивстави на непропорционалната моќ, влијание и влијание на мојот поранешен сопруг“,
рече Херд во писмената изјава по пресудата.
„Уште повеќе сум разочарана поради значењето на оваа пресуда за другите жени. Тоа е назадување. Тоа не враќа во времето кога жената што зборувала можела јавно да биде понижена и понижена и ја отфрла идејата дека насилството врз жените треба да се сфати сериозно“,
изјави актерката.
Поранешната холивудска двојка размени сериозни обвинувања за време на судењето кое со недели го привлекуваше вниманието на јавноста – и Деп и Херд тврдеа дека биле жртви и на емоционално и на физичко малтретирање.
Процесот привлече големо внимание кај светската јавност, а социјалните мрежи станаа поле за говор на омраза на навивачите од двете страни.
Џони Деп (58) ја тужеше својата поранешна сопруга Амбер Херд за клевета по обвинувањата дека била жртва на семејно насилство, тврдејќи дека тоа му ја уништило репутацијата и кариерата.
Херд во колумна објавена од „Вашингтон пост“ во 2018 година напиша дека била изложена на семејно насилство за време на бракот, без да го спомене неговото име.
Херд поднесе противтужба и бара отштета од 100 милиони долари поради тврдењата на поранешниот адвокат на Деп, Адам Валдман, дека нејзините наводи за злоупотреба се „измама“.
Херд и Деп се запознале на снимањето на „The Rum Diary“ и се венчаа во 2015 година. Херд поднесе барање за развод во 2016 година, а се разведоа една година подоцна.
Судењето трае веќе шест недели, а завршните зборови се очекуваат во петок.